Դեսպան Մարգարյանն իր հավատարմագրերը հանձնեց Բելգիայի Թագավորին

21 հոկտեմբերի, 2014

Հոկտեմբերի 21-ին Բելգիայում ՀՀ դեսպան Թաթուլ Մարգարյանն իր հավատարմագրերը հանձնեց Բելգիայի Ֆիլիպ Թագավորին:

Հավատարմագրերի հանձնման արարողությունից հետո տեղի ունեցավ ՀՀ դեսպանի առանձնազրույցը Բելգիայի Թագավորի հետ: Շնորհավորելով ՀՀ դեսպանի պաշտոնը ստանձնելու կապակցությամբ` Թագավոր Ֆիլիպը հույս հայտնեց, որ դեսպան Մարգարյանը ամենայն ջանք կգործադրի Հայաստանի և Բելգիայի միջև երկկողմ հետաքրքրություն ներկայացնող բոլոր ոլորտներում առկա փոխշահավետ երկխոսությունն այսուհետ ևս շարունակելու և զարգացնելու համար:

ՀՀ դեսպանը, շնորհակալություն հայտնելով ջերմ ընդունելության համար, անդրադարձ կատարեց հայ-բելգիական բարեկամական հարաբերություններին և դրանց զարգացման հնարավորություններին:

Հանդիպման ընթացքում Թագավոր Ֆիլիպի խնդրանքով դեսպան Մարգարյանը ներկայացրեց ՀՀ արտաքին քաղաքականության հիմնական ուղղությունները, ԼՂ հիմնահարցի խաղաղ կարգավորման ընթացքն ու տարածաշրջանում առկա իրավիճակը: Կողմերն անդրադարձան նաև Բելգիա-Հայաստան պատմականորեն ձևավորված բարեկամական հարաբերություններին, ինչպես նաև Բելգիայում հայ համայնքի առկայության փաստին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր