Դեսպան Բալայանի հանդիպումը Բելգիայի Ներկայացուցիչների պալատում

08 հուլիսի, 2025

Հուլիսի 8-ին դեսպան Տիգրան Բալայանը հանդիպում ունեցավ Բելգիայի Սենատի և Ներկայացուցիչների պալատի Հայաստան-Բելգիա բարեկամական խմբի անդամների հետ՝ արտաքին հարաբերությունների հանձնաժողովի նախագահ Էլս վան Հոֆի գլխավորությամբ։

Հանդիպման ընթացքում հանգամանալից անդրադրաձ արվեց Հայաստան-Բելգիա ընդլայնվող գործընկերությանը և այդ գործընթացում խորհրդարանական դիվանագիտության կարևոր դերակատարությանը։

Բելգիացի խորհրդականները դեսպանին ներկայացրեցին հուլիսի 2-ին Բելգիայի Ներկայացուցիչների պալատի արտաքին հարաբերությունների հանձնաժողովի կողմից միաձայան ընդունված «Լեռնային Ղարաբաղի իրավիճակի և Հարավային Կովկասում խաղաղության հաստատման անհրաժեշտության» մասին բանաձևի նախագիծը, որ մոտ ժամանակներում պետք է ներկայացվի խորհրդարանի հավանությանը։

Այդ համատեքստում դեսպան Բալայանը ներկայացրեց Հայաստանի հետևողական ջանքերը՝ ուղղված տարածաշրջանում կայուն ու տևական խաղաղության հաստատմանը՝ հարևանների հետ հարաբերություննեի կարգավորման միջոցով։

Անդրադրաձ կատարվեց Հայաստան-ԵՄ գործընկերության արձանագրած ձեռքբերումներին, այդ առումով մտքեր փոխանակվեցին ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասի Հայաստան այցի արդյունքների շուրջ։

Բելգիացի խորհրդարանականները վերահաստատեցին իրենց աջակցությունը Հայաստանի ինքիշխանությանն ու ժողովրդավարությանը՝ շեշտելով, որ մոտ ապագայում ընդունվելիք բանաձևը արտացալում է բելգիական տարբեր քաղաքական ուժերի հստակ ուղերձն այդ կապակցությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր