Բելգիայի Ներկայացուցիչների պալատում դեսպան Բալայանը մասնակցեց Ցեղասպանության զոհերի հիշատակի ոգեկոչման միջոցառմանը

05 դեկտեմբերի, 2025

Դեկտեմբերի 5-ին Բելգիայի ներկայացուցիչների պալատի նախագահ Պետեր դը Ռուվերի հրավերով դեսպան Տիգրան Բալայանը ներկա գտնվեց խորհրդարանում Բելգիայի կողմից ճանաչված ցեղասպանությունների զոհերի հիշատակին նվիրված միջոցառմանը։

Միջոցառմանը ելույթ ունեցան էին Ներկայացուցիչների պալատի նախագահ Պետեր դը Ռուվերը և խորհրդարանական Միշել Դե Մաղդը, ով հանդիսանում է 2020 թվականի բանաձևի հեղինակը և նախաձեռնողը։ Ներկա էին նաև դիվանագիտական կորպուսի ներկայացուցիչներ, վերապրածների ընտանիքների անդամներ և քաղաքացիական հասարակության անդամներ։

Ելույթներով հանդես եկան նաև ակադեմիական շրջանակների ականավոր ներկայացուցիչներ Բեռնարդ Կուլին (UCL), Դիրկ Ռուդզանտը (Ամստերդամի համալսարան), Նեյրա Սաբանովիչը (ULB) և լրագրող Սթեֆան Բլոմմաերտը (VRT)։ Բանախոսներն ընդգծեցին հիշատակի կարևորությունը, պատմական ճշմարտությունը պահպանելու անհրաժեշտությունը և միջազգային համագործակցության դերը ապագա ոճրագործությունների կանխարգելման գործում։ Անդրադարձ կատարվեց նաև հիշողության, կրթության և հասարակության իրազեկվածության դերին, ինչպես նաև զանգվածային բռնությունների կանխարգելման մեխանիզմներին։

Միջոցառումը վերահաստատեց Բելգիայի հանձնառությունը ցեղասպանությունների զոհերի հիշատակը հարգելու, անպատժելիության դեմ պայքարելու և ապագա ոճրագործությունները կանխելու միջազգային ջանքերին աջակցելու գործում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր