Դեսպան Մարգարյանի հանդիպումը Բելգիայի Սենատի նախագահի հետ

11 փետրվարի, 2015

Փետրվարի 11-ին Բելգիայում ՀՀ դեսպան Թաթուլ Մարգարյանը հանդիպեց Բելգիայի Սենատի նախագահ տիկին Քրիստին Դեֆրեյնի հետ:

Հանդիպմանը մտքեր փոխանակվեցին հայ-բելգիական հարաբերությունների ներկա իրավիճակի, դրանց զարգացման, միջխորհրդարանական հարաբերությունների ամրապնդման ուղիների վերաբերյալ: Այս կապակցությամբ երկուստեք կարևորվեց Բելգիայի Սենատում Հայաստանի հետ բարեկամության խմբի աշխատանքների և միջխորհրդարանական շփումների ու փոխայցելությունների ակտիվացումը: Սենատի նախագահը վստահեցրեց, որ մտադիր է նպաստել Բելգիայի և Հայաստանի միջև հարաբերությունների հետագա խորացմանը: Անդրադարձ կատարվեց Բելգիայի հայ համայնքի պատմությանը և ներկային:

Դեսպան Մարգարյանը ներկայացրեց Հայոց ցեղասպանության 100-րդ տարելիցի կապակցությամբ նախատեսվելիք միջոցառումներն ու ծրագրերը: Զրուցակցի խնդրանքով դեսպանն անդրադարձավ Հայաստան - ԵՄ հարաբերությունների զարգացման ընթացքին, տարածաշրջանային զարգացումներին, տեղեկացրեց ղարաբաղյան հակամարտության կարգավորման ուղղությամբ Հայաստանի և ԵԱՀԿ Մինսկի խմբի համանախագահների գործադրած ջանքերի մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր