"Diplomatic World" ամսագրում լույս է տեսել Բելգիայի Թագավորությունում ՀՀ արտակարգ և լիազոր դեսպան Թաթուլ Մարգարյանի հոդվածը

15 հուլիսի, 2019

"Diplomatic World" եվրոպական հեղինակավոր ամսագրի ընթացիկ 60-րդ համարում հրապարակվել է Բելգիայի Թագավորությունում ՀՀ արտակարգ և լիազոր դեսպան Թաթուլ Մարգարյանի՝ "Armenia… Where Europe Ends or rather Starts"(Հայաստան...Ուր վերջանում, կամ ավելի ճիշտ՝ սկսվում է Եվրոպան) խորագրով ծավալուն հոդվածը:

Հոդվածում դեսպան Մարգարյանը հակիրճ ներկայացրել է Հայաստանի՝ առաջին Քրիստոնյա պետության բազմադարյա պատմությունը, հարուստ ազգային մշակույթը, գեղատեսիլ բնաշխարհը:

ՀՀ դեսպանը պատմել է նաև մեր երկրի ներքաղաքական, հասարակական, մշակութային կյանքի վերջին զարգացումների և հեռանկարների մասին, ներկայացրել Հայաստանի տնտեսական առաջնայնությունները, տնտեսության ավանդական և նոր բնագավառները, գործարար միջավայրի և ներդրումային դաշտի հնարավորություններն, ինչպես նաև զբոսաշրջային գրավչությունը:

Դեսպանը համառոտ անդրադարձել է նաև Հայաստանի արտաքին քաղաքականության հիմնական ուղղություններին, մասնավորապես՝ Եվրոպական Միության հետ հարաբերություններին և համագործակցության հեռանկարներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր