Բելգիայում Հայաստանի դեսպան Տիգրան Բալայանն իր հավատարմագրերի պատճենն է հանձնել Բելգիայի ԱԳՆ արարողակարգի ծառայության պետ Յ․Ռոիսինին

18 սեպտեմբերի, 2023

Սեպտեմբերի 18-ին Բելգիայում Հայաստանի նորանշանակ դեսպան Ն․ Գ․ Տիգրան Բալայանն իր հավատրմագրերի պատճեն հանձնեց Բելգիայի արտաքին քաղաքական գերատեսչության արարողակարգի ծառայության պետ Հյուբեր Ռոիսինին /Hubert ROISIN/:

Հանդիպման ընթացքում զրուցակիցներն անդրադարձան հայ-բելգիական երկկողմ հարաբերությունների ներկայիս վիճակին և դրանք խորացնելու ուղղությամբ երկուստեք քայլերին։

Դեսպան Բալայանը կարևորեց Երևանում Բելգիայի դեսպանության մոտալուտ բացումը, ինչն անխոս իր կարևոր ներդրումը կունենա երկկողմ փոխգործակցության ընդլայնման գործում:

Բարձր գնահատվեց Բելգիայի արտաքին գործերի նախարար Հաջա Լահբիբի՝ օգոստոսին Հայաստան կատարած պաշտոնական այցը։

Զրուցակիցները նաև անդրադարձան Բրուսելում տեղակայված դիվանագիտական ներկայացուցչությունների և միջազգային կառույցների աշխատանքների առանձնահատկություններին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր