Դեսպան Բալայանը հանդիպումներ ունեցավ Լյուքսեմբուրգի իշխանությունների հետ

18 հունվարի, 2024

Հունվարի 17-18-ը Լյուքսեմբուրգ կատարած այցի շրջանակներում դեսպան Տիգրան Բալայանը հանդիպումներ ունեցավ Լյուքսեմբուրգի գործադիր, օրենսդիր և տեղական ինքանակառավարման մարմինների ներկայացուցիչների հետ։

Լյուքսեմբուրգի ԱԳՆ ղեկավարության հետ հանդիպմանը դեսպան Բալայանը քննարկեց երկկողմ փոխգործակցության խթանմանն ուղղված քայլերն ու նախաձեռնությունները, Հայաստան - Եվրամիություն գործընկերության խորացմանը միտված աշխատանքները։

Պատգամավորների պալատի նախագահ Կլոդ Վիզլերի և բարձրաստիճան խորհրդարանականների հետ զրույցների ընթացքում քննարկվեցին միջխորհրդարանական շփումների ծրագրերը։

Ինչպես խորհրդարանական, այնպես էլ ԱԳՆ ներկայացուցիչների հետ հանդիպումների ընթացքում դեսպան Բալայանը ուշադրություն հրավիրեց Ադրբեջանի բարձրագույն ղեկավարության կողմից ԵՄ միջնորդությամբ պայմանավորվածություններից փաստացի հրաժարվելու և նոր բռնություններ հրահրելու միտումների վրա՝ ընդգծելով հստակ գործողություններով դրանց դեմն առնելու անհրաժեշտությունը։

Տիգրան Բալայանը հանդիպում ունեցավ նաև Էշ սյուղ Ազետի քաղաքապետի հետ, ում հետ անդրադրաձավ ապակենտրոնացված և կրթական բնագավառներում փոխգործակցության հնարավորություններին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր