Դեսպան Բալայանի այցը Բրյուգեի Հաուեստ կիրառական գիտությունների համալսարան

25 ապրիլի, 2024

Ապրիլի 25-ին դեսպան Տիգրան Բալայանն այցելեց Բրյուգե՝ Հաուեստ կիրառական գիտությունների համալսարան։

Այցելությունը մեկնարկեց համալսարանի դասախոսական կազմի և հետազոտողների կողմից համալսարանի կրթական ծրագրի մանրամասն ներկայացմամբ, այնուհետև շարունակվեց հետազոտական կենտրոնի աշխատակիցների կողմից իրենց գործունեության արդյունքների և ընթացիկ նախագծերի մասին քննարկումներով։ Դեսպանի ուշադրությանը ներկայացվեցին նաև մի շարք նորարարություններ և հետազոտությունների արդյունքներ։

Այցելության երկրորդ հատվածում դեսպան Բալայանը հանդիպեց համալսարանի ռեկտոր Ֆրեդերիկ դ՛Հուլստերի հետ, որի ժամանակ նշեց ՀՀ բարձր տեխնոլոգիական արդյունաբերության նախարարության և համապատասխան համալսարանների հետ հետագա համագործակցության հնարավորությունը, այդ թվում՝ համատեղ դասախոսություններ, հետազոտական ծրագրեր, լաբորատորական աշխատանքներ, վերապատրաստման ծրագրեր և այլն։ Պատմեց Հայաստանի ՏՏ ոլորտում գրանցած հաջողությունների մասին՝ ներկայացնելով ԹՈՒՄՈ ստեղծարար տեխնոլոգիաների կենտրոնի և վերջինիս միջազգային ճանաչման, ինչպես նաև Արմաթ ինժեներական լաբորատորիաների մասին։

Ռեկտորը դրական արձագանքեց դեսպան Բալայանի առաջարկություններին, և հստակ պայմանավորվածություն ձեռք բերվեց հետագա գործընկերության շուրջ։

Նշենք, որ համալսարանը պատրաստում է մասնագետներ՝ կիբերանվտանգության, արհեստական բանականության, համակարգչային գիտությունների, տեղեկատվական տեխնոլոգիաների, բիզնես կառավարման, արդյունաբերական անվտանգության և մի շարք այլ ոլորտներում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր