Բրյուսելում Հայաստանի դեսպանի հանդիպումը լրագրողների հետ

27 մայիսի, 2024

Մայիսի 27-ին Բրյուսելում Հայաստանի դեսպան Տիգրան Բալայանը հանդիպեց «Մեդիա զարգացում և ժողովրդրավար մեդիա նոր թվային ժամանակաշրջանում» վերապատրաստման ծրագրի շրջանակներում Բրյուսել ժամանած հայաստանցի պետծառայողների և լրագրողների հետ:

Հանդիպման ընթացքում դեսպան Բալայանը համապարփակ ներկայացրեց Հայաստան-Եվրամիություն հարաբերությունների ընդլայնվող գործընկերությունը և նոր նախաձեռնությունները։

Նա անդրադարձավ Արցախում տեղի ունեցած էթնիկ զտումից ի վեր տեղի ունեցած զարգացումներին և ԵՄ մոտեցումներին ԼՂ-ից բռնի տեղահանված հայերի օժանդակության խորացման ընթացքին, ինչպես նաև մուտքի արտոնագրերի ազատականացման շուրջ երկխոսության մեկնարկի, Եվրոպական խաղաղության գործիքի ուղղությամբ տարվող աշխատանքներին, ապրիլի 5-ի եռակողմ հանդիպման արդյունքներին և ներկայումս կայացող հանդիպումներին։

Դեսպանը նաև համապարփակ կերպով անդրադարձավ Բելգիայի և Լյուքսեմբուրգի հետ երկկողմ հարաբերություններին՝ ընդգծելով բազմոլորտ ծրագրերի և նախաձեռնությունների իրականացումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր