Լյեժում կգործի TUMO ստեղծարար տեխնոլոգիաների կենտրոնը

05 սեպտեմբերի, 2025

Սեպտեմբերի 5-ին Բելգիայում ՀՀ դեսպան Տիգրան Բալայանը «TUMO ստեղծարար տեխնոլոգիաների կենտրոնի» գործունեության մեկնարկին նվիրված միջոցառմանը, որի ընթացքում Թումոյի զարգացման գծով տնօրեն Բեկոր Փափազյանը «GRE-Liège»-ի նախագահ Իվ Պղետի և գլխավոր տնօրեն Ժան-Քրիստոֆ Պետերկեննեի հետ ստորագրեցին համապատասխան պայմանագիրը։

Այս կարևոր նախաձեռնությունը կյանքի է կոչվում «GRE-Liège»-ի, «Noshaq»-ի և «Agora»-ի կողմից՝ Liège Digital Power House-ի օժանդակությամբ։ Ծրագրի գլխավոր հովանավորներն են՝ «Ethias», «Gaming 1», «Safran» ընկերությունները։ Միջոցառմանը ներկա էր Վալոնիայի փոխվարչապետ, տնտեսության, արդյունաբերության, թվային տեխնոլոգիաների, աշխատանքի և կրթության նախարար Պիեռ-Իվ Ժեոլեն, Հայաստանում Բելգիայի դեսպան Էրիկ դե Մունկը, Վալոնիայի և Բելգիայի բարձր տեխնոլոգիաների ոլորտի առաջտար ընկերությունների ղեկավարներ։

Նոր կենտրոնը նախատեսվում է լիարժեք գործել և իր դռները բացել 2026 թվականի առաջին եռամսյակում։ Այն տեղակայվելու է Լյեժի «Grand Poste»-ում՝ քաղաքի ստեղծարար թաղամասի սրտում։

TUMO կենտրոնի գործարկումը Լյեժում ոչ միայն նոր հնարավորություն է ստեղծում Բելգիայի երիտասարդների համար, այլև դառնում է հայ կրթական նորարարության միջազգային հաջողության ևս մեկ վկայություն։ Կենտրոնը նախատեսված է 12-18 տարեկան պատանիների համար, առաջարկում է արտադասարանական ուսուցում թվային և ստեղծարար հմտությունների զարգացման համար՝ ներառյալ ծրագրավորում, արհեստական բանականություն, ռոբոտիկա, գրաֆիկական դիզայն, անիմացիա, վիդեոարտադրություն և երաժշտություն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր