Դեսպան Տիգրան Բալայանը մասնակցեց «Europe Medialab» ծրագրի աշնանային ընդունելությանը

09 սեպտեմբերի, 2026

Սեպտեմբերի 9-ին ՀՀ դեսպան Տիգրան Բալայանը, որպես «Europe Medialab» ծրագրի խորհրդի պատվավոր անդամ, բացման խոսքով հանդես եկավ նախաձեռնության ամենամյա աշնանային հանդիպմանը։

Միջոցառման բացմանը ելույթներով հանդես եկան նաև Եվրոպական խորհրդարանի փոխնախագահ Վիկտոր Նեգրեսկուն, «Enabel» բելգիական զարգացման գործակալության գործադիր տնօրեն Ժան վան Վետտերը:

Իր ելույթում դեսպան Բալայանն անդրադարձավ անկախ մեդիայի առանցքային դերին՝ կարևորելով Հայաստանի ներգրավվածությունը ծրագրին, ինչը հնարավորություն է տալիս հայ լրագրողներին Բրյուսելից ապահովել հավաստի և օբյեկտիվ տեղեկատվության հոսք։ Դեսպանը հատկանշեց ԵՄ կառույցներում Հայաստանին առնչվող օրակարգային հարցերի հետևողական բարձրաձայնման անհրաժեշտությունը։ Նա ընդգծեց, որ նմանօրինակ կրթական ու մասնագիտական հարթակները էականորեն նպաստում են հայկական մեդիա դաշտի դիմակայունության բարձրացմանը և եվրոպական լավագույն փորձի ներդրմանը։ Բացի այդ, դեսպանը շեշտեց ԵՄ-Հայաստան գործընկերության խորացման համատեքստում տեղեկատվական ոլորտում համագործակցության ընդլայնման կարևորությունը։

Հանդիպմանը մասնակցեցին Եվրոպական միության կառույցների, քաղաքացիական հասարակության, գիտական շրջանակների և հեղինակավոր միջազգային հասարակական կազմակերպությունների առաջատար ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր