Դեսպան Բալայանի հանդիպումը Հայաստանի քաղաքացիական հասարակության կազմակերպությունների ներկայացուցիչների հետ

09 նոյեմբերի, 2026

Նոյեմբերի 9-ին դեսպան Տիգրան Բալայանը հանդիպեց Ֆրիդրիխ Նաումանի «Հանուն ազատության» հիմնադրամի նախաձեռնությամբ Բրյուսել այցելած հայաստանյան հասարակական կազմակերպությունների պատվիրակության անդամների հետ:

Հանդիպման ընթացքում հանգամանալից անդրադարձ կատարվեց Հայաստան-Եվրամիություն համագործակցության ձեռքբերումներին և գործընկերության նոր բովանդակությանը։

Դեսպան Բալայանը մանրամասն ներկայացրեց Հայաստան-ԵՄ հարաբերությունների զարգացման և ձեռք բերված կարևոր արդյունքների ապահովման ուղղությամբ իրականացվող ծավալուն աշխատանքը։ Այս համատեքստում կարևորվեց նաև քաղաքացիական հասարակության առանցքային դերակատարությունն ու ներդրումը, մասնավորապես իրականացվող բարեփոխումների և ընդհանուր առմամբ ժողովրդավարության ամրապնդման ուղղությամբ:

Դեսպան Բալայանը պատասխանեց նաև հյուրերի հարցերին, որոնք վերաբերում էին ինչպես ընթացիկ, այնպես էլ նախանշվող նոր ուղղություններով ՀՀ-ԵՄ հարաբերությունների զարգացմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր