Հայոց ցեղասպանության զոհերի հիշատակին նվիրված խաչքարի բացման արարողություն Գերարդսբերգեն քաղաքում

24 հոկտեմբերի, 2021

Հոկտեմբերի 24-ին Ֆլանդրիայի Գերարդսբերգեն քաղաքում տեղի հայ համայնքի ջանքերով տեղի ունեցավ Հայոց ցեղասպանության զոհերի հիշատակին նվիրված խաչքարի բացման արարողությունը։

Ողջույնի խոսքով հանդես եկան Գերարդսբերգենի քաղաքապետ Գուիդո դե Փադտը, Բելգիայում Հայաստանի դեսպան Աննա Աղաջանյանը, քաղաքապետի տեղակալ Քրիստին Վանգեյտը:

Խաչքարը տեղադրվեց Գերարդսբերգենի քաղաքապետարանի կողմից հատկացված Աբդի գեղատեսիլ այգու (Abdijpark) տարածքում: Հնչեց հայկական դուդուկը:

Խաչքարի օրհնության կարգը կատարեցին Արժանապատիվ Տեր Խաչատուր Ավագ Քահանա Ֆրանգյանը (Ալմելո-Հոլանդիա) և Գերարդսբերգենի Հոգևոր Հովիվ Ֆրանս Հաթչինսոն:

Շնորհակալություն ենք հայտնում բոլոր նրանց, ում ջանքերով իրականացվեց այս խորհրդանշական արարողությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր