Դեսպան Տիգրան Բալայանի հանդիպումը Լեռնային Ղարաբաղի հայ բնակչության բռնի տեղահանման արդյունքում պայթյունից վիրավորված քաղաքացիների հետ

23 նոյեմբերի, 2023

Դեսպան Տիգրան Բալայանն այսօր հանդիպեց սեպտեմբերի 25-ին Լեռնային Ղարաբաղի հայ բնակչության բռնի տեղահանման արդյունքում պայթյունից վիրավորված քաղաքացիների և նրանց ուղեկցող ընտանիքի անդամների հետ։ Արցախցիները խնդրեցին երախտագիտությունը փոխանցել Բելգիայի իշխանություններին իրենց ապաքինումը բարձր մակարդակով կազմակերպելու և հյուրընկալության համար։

Դեսպան Բալայանը ներկայացրեց, որ աշխատանքներ են տարվում Արդարադատության միջազգային դատարանի միջանկյալ որոշումների իրականացման` Լեռնային Ղարաբաղից բռնի տեղահանված հայերի՝ իրենց տներ վերադարձի իրավունքը ապահովելու ուղղությամբ՝ միջազգային երաշխիքների և ներկայության ներքո, և հավաստիացրեց, որ ջանք չի խնայվելու Արդարադատության միջազգային դատարանի վճիռները իրականացնելու ուղղությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր