Դեսպան Բալայանի հանդիպումները Լյուքսեմբուրգում

08 դեկտեմբերի, 2023

Դեկտեմբերի 8-ին դեսպան Տիգրան Բալայանը առանձին հանդիպումներ ունեցավ Լյուքսեմբուրգի Պատգամավորների պալատի նորընտիր նախագահ Կլոդ Վիզլերի, Խորհրդարանի արտաքին և եվրոպական հարցերի հանձնաժողովի նախագահ, Բիտեմբուրգի փոխքաղաքապետ Գուստի Գրաասի։

Շնորհավորելով Կլոդ Վիզլերին բարեկամ Լյուքսմբուրգի խորհրդարանի ղեկավարի պաշտոնում ընտրվելու կապակցությամբ՝ նրան հանձնեց ԱԺ նախագահ Ալեն Սիմոնյանի շնորհավորական ուղերձը։

Երկուստեք գոհունակություն հայտնվեց Հայաստանի և Լյուքսեմբուրգի միջև հարաբերությունների բարձր մակարդակի վերաբերյալ, ընգծվեց, որ Հայաստանի մշտական դիվանագիտական ներկայացուցչության հիմնումը՝ նոր խթան կհաղորդի փոխգծակցությանը։

Դեսպան Բալայանը զրուցակիցներին ներկայացրեց Լեռնային Ղարաբաղում Ադրբեջանի կողմից իրականացված էթնիկ զտման հետևանքները և դրա համար պատասխանատվության ենթարկելու կարևորությունը՝ Ադրբեջանի կողմից նոր ոտնձգությունների կանխարգելման և ԼՂ բնակչության հետ վերադարձի իրավունքի ապահովման տեսանկյունից։

Հայաստանի դեսպանը գործընկերներին հանգամանալից տեղեկացրեց «Խաղաղության խաչմերուկ» նախագծի, դրա իրագործման և Կովկասում հարատև խաղաղություն հաստատելու ուղղությամբ կատարվող աշխատանքները։

Զրույցների ընթացքում քննարկվեց միջխորհրդարանական և ապակենտրոնացված համագործակցությունը խթանելու հնարավորությունները:

Նույն օրը Տիգրան Բալայանը հանդիպում ունեցավ Պետանժի քաղաքապետ Ժան-Մարի Հալսդորֆի հետ: Զրուցակիցները մանրամասն քննարկեցին Դիլիջանի և Պետանժի միջև ծավալվող համագործակցության ոլորտները և համատեղ միջոցառումները։

Այցելության շրջանակներում դեսպան Բալայանը հարցազրույց տվեց Chronicle.lu պարբերականին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր