Արտաքին գործերի նախարարությունում տեղի ունեցավ Ֆլանդրիայում ՀՀ պատվավոր հյուպատոս Բերտրան Վըրկարենի հավաստագրի հանձնման արարողությունը

11 հոկտեմբերի, 2024

Հոկտեմբերի 11-ին ՀՀ ԱԳՆ գլխավոր քարտուղար Դավիթ Կարապետյանը Ֆլանդրիայում ՀՀ պատվավոր հյուպատոս Բերտրան Վըրկարենին հանձնեց վերջինիս նշանակման հավաստագիրը։ Արարողությանը ներկա էին նաև Բելգիայի Թագավորությունում ՀՀ դեսպան Տիգրան Բալայանը, ինչպես նաև Հայաստանի Հանրապետությունում Բելգիայի Թագավորության դեսպան Էրիկ դե Մույնքը։

Արարողությանը հաջորդած առանձնազրույցի ընթացքում նորանշանակ հյուպատոսը ներկայացրեց հայ-ֆլամանական առևտրական կապերի խորացման իր մոտեցումները, քննարկվեցին նաև Հայաստանը ֆլամանական գործարար միջավայրում առավել ճանաչելի դաձնելու հնարավորությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր